نباتية لاسبوع 2
مر وقت طويل ما دونت فيه لانشغالي
وللاسف ما قدرت اكتب بقية يومياتي ولكني مصره اني اكتب اللي اتذكره من تجربتي
ولكني ما بحدد الايام
يعني مره وانا طالعه طلبت معكرونه بالخضروات وقلتله يحطلي عليها جبن لاني تعودت عليها جيه
ولما جهزت المعكرونه تذكرت ان الجبن ممنوع ×_×
وعالعشا مره سويت خضروات عالبخار .. وتفاجأت فالفرق فالطعم بين الخضروات المطبوخه بالماي واللي بالبخار
اللي بالبخار تستوي اسرع و طعمها احلى بواااااايد
واستخدمت في تتبيلها : ليمون/ملح/فلفل اسود/رشة من بودرة الثوم
حبيتها وتستحق التجربة
واما حليب الصويا اللي شكلي ماراح اجربه بعد اليوم
فكنت اكسر طعمه فالكورن فليكس
الرجيم النباتي استصعبته شخصيا وما التزمت فيه ولا يوم للاسف
ولكن التجربه كانت تستحق ربما اعاود التجربه ولكن مع اصرار اكبر
اليوم الاول و الثاني
تجربة اني اصير نباتيه لاسبوع كانت صعبه من بدايتها
بديت بتاريخ 2/6
اليوم الاول :
الريوق تفاحه و موز
الغدا عيش و صالونة خضرة
العصر سويت قهوة بحليب الصويا *_* بس مووووووول ما حبيته وما كملته
ولين العشا حسيتني بسرعه يعت !!
قمت وكلت نوع من انواع المعجنات بالكريمه .. الصراحه شوفتها ردتلي الروح
عالعشا سمج تونه بالفرن مع خضروات
اليوم الثاني :
ما تريقت على طول تغديت
وكان الغدا برياني ديااااي يا رباااه 
بديت اول شي بالسلطه وبعدين مافيه مفر كلت قطعة دياي صغيرة وعيش +_+
العصر كانت يمعه وتيلست انواع الكب كيك و ابدا ماقاومت كنت احس ان السكر نازل وما قصرت فالكيك
وشربت جاي .. كنت متعوده عليه بحليب بس الله كريم
عالعشا كانو مسوين لزانياااااا كلت طشونه عن خاطري بس بعدين سويتلي شكشوكة
مكونه من (بيض – بروكلي – طماط – فطر ) وهذي اول مره احط الفطر مع البيض واكتشفت انهم ما يتوالفون
بس انطباعي عن هاليومين انه وايد صعب العيش بدون حليب وجبن و انواع اللحوم
ولكن الشي الايجابي هو اني وعيت على عمري اني مقصره في اكل الخضروات
وانا الصراحه كنت مصوره بعض الاشيا بس ماعندي وقت احطها
تجهيزات نباتية لأسبوع
فالبدايه اشكر AM.SA.CHANNEL على مدونتها لكل وزن ثقيل مساحة
من خلال تصفحي للمدونه استفدت وايد وعرفت وايد نصائح غذائه جديده علي
وهالاسبوع اشتركنا ان نصير نباتيين لاسبوع واحد (نباتيين مع السمك+بيض)
ومثل هالخطوه الصعبه يبالها ترتيبات و تجهيزات .. علشان نحصل على اكبر قدر من الفايده الغذائيه
فالبدايه وصيت على سمج قباب او التونه بحيث يكون مقطع
طبعا التونه المعلبه متوفره بكثر ولكن فيها نسبة صوديوم كبيره .. فقررت اتشجع واطبخ السمج لاول مره فحياتي
و اهم شي في النظام هي الخضروات و الصراحه من فتره طويله الخضروات ما دخلت ثلاجتي !!
يعني كنت وايد محتاجه اني اسوي هالنظام
رحت كارفور وخذت بعض الخضروات و من بينها هالفاصوليا الخضرا
مادري اذا اسمها صح او لا .. غسلتها و طبختها نص استوا وقسمتها وحطيتها فالفريزر
البروكلي و الفطر اكثر اثنين احبهم
احب الفطر مقلي بالزبده وااايد
اما البروكلي فاستخدمه بوايد طبخات وهو وايد حساس بحيث لو انطبخ حبتين زياده عن اللزوم يتغير طعمه نهائيا
التوت للعصير و السبانخ للفطاير و الوشوربات
هذي العلب فيها بقدونس نعناع وشبت مغسولين عدل ومنشفين عشان ما يخترب بسرعه
- حليب الصويا مع الحبوب
جربت حليب الصويا اللي بالكاكاو من نفس هذي الشركه و جربت شركه ثانيه بالفانيلا .. بس هذا اكثر نوع عجبني
- التمر بالكورن فليكس
موسوعة العناية بالأم والطفل
هذا الكتاب صح انه جديييم ولكنه شامل لكل شي
واحلى شي انه موشوعه يعني كل شي مصور وموضح
تبدأ فصول الكتاب في شرح فترة الحمل ثم الولاده
وينتقل بعدها لقصة حياة طفلة اسمها هند وامها رنده
ويشرح طريقة تربيتها .. عيبتني فكرة انهم سوو شخصيات للكتاب
- انواع الطعام المناسبة لكل شهر ،ابتداءاً من الشهر الرابع.
- الرعاية الصحية للطفل
الكتاب مناسب للامهات اللي توه ايداد وما عندهم خبره في تربية الاطفال من قبل
اتمنى انه تقرونه او تهدونه للامهات اليدد
^_^
فــــيّونه
هالفترة مشغولة بتربية بنوتي “فيّ” …
يا عساه يكون اسم خير وبركه لها
وهي صايرة My favorite thing !!
مفرغه وقتي لرعايتها ومابا شي يشغلني عنها
Sugar Cookies
اليوم حبيت اسوي كوكيز صغار و اخذه بيت اهلي حق الاطفاال ^^
اذكر ان الكوكيز من اوائل الاشياء اللي كانت ادخلني المطبخ
كان عمري تقريبا 13 لما سويت الكوكيز اول مره .. عشرة عمر
الطريقه اللي استخدمتها هي لمارثا ستيوارت وموجوده على موقعها
المقادير :
2 كوب طحين
1/2 كوب زبده
1 كوب سكر
1/2 ملعقه صغيرة بيكنج باودر
1 بيضه
ملح + فانيلا
الطريقة :
كالعاده نبدا نخفق الزبده اللينة مع السكر .. وبعدين نضيف لهم البيضه والفانيلا
نضيف المقادير الجافه ونبدا نخلط العجين بالايد .. وافضل لبس القفازات لانه الزبده تنرفززز
نقسم العجين لنصفين ونغطي كل جزء بنايلون وندخلهم الثلاجه 20 دقيقة
نستخدم ورق مشمع علشان نفرد عليه العجين .. لو مب متوفر نفرد العجيب بشوية طحين علشان ما تلزق
بس اذا كانت بارده عدل ما راح تلزق ان شاء الله
نقطعها ونصفها على صينية بطنه بورق الزبده او شوية طحين وندخلها الفرن بحرارة 160 لمدة 8-10 دقايق من تحت
وبعدين من فوق بحرارة 150 بحدود 2-5 دقايق
نبردها على الشبك ومو تجربون تاكلونه وهو حار .. لأنه وهو حار يكون لين من داخل وبس يبرد ييبس
ونزينها مثل ما نحب .. انا استخدمت الايسنج في تزيين بعض الحبات و بعضهم لزقتهم ببعض بالنوتيلا و اخر شي كم حبه رسمت عليها عيون بالجوكلت جبس
جربوها يستانسون عليها الاطفال ؛)
The Face Shop
السلام عليكم
انا عندي تجارب لعدة منتجات من محل ذا فيس شوب .. و اللي مايعرفه ترا هو محل كوري لمستحضرات العناية للبشرة
واحلا شي جربته ومااااودرته ابدا هوالـ Brightening Rice Water Cleansing Foam
وايد ناسب بشرتي المختلطه و الرهييييب في هالغسول انه ينظف البشره وينعشها بس ما ينشفها لانه قوامه نفس الكريم
وجربت معاه كم مره الماسكات وحلوه ترطب .. بس مالقيت لها داعي
والمعلومه الحلوه اللي خلتني اكتب عن هذا الغسول هي لما عرفت ان الاسيويات كانو من القدم
يغسلون العيش او الارز وياخذون الماي اللي يصفونه منه ويستخدمونه كغسول للويه
من اجلال ترطيب و النضاره و الصفاااء
شكلي يوم واحد بجرب هالطريقه وبقولكم
The Face Shop Website
1egg makes 6 muffines
هيه بيضه وحده سوت 6 حبات مافنز
لما كنت اليوم ناويه اسوي مافن ما لقيت غير بيضه وحده فالثلاجه
وتحريت انه عالمقادير اللي بضيفها لها ما بتسوي غير حبتين او 3 حبات مفنز .. لكن يس طلعت الكميه حلوه
المقادير :
بيضه
1/2 كوب سكر
1/4 كوب زيت
1/4 كوب حليب
3/4 كوب طحين
1 ملعقة صغيرة بيكنج باودر
1 ملعقة صغيرة فانيلا
تاخذ بحدود 12 دقيقة على حرارة 180 بالفرن
سهلة وسريعة و هشششه
enjoy
ماذا تتوقعين ؟
من اروع الكتب اللي ممكن للحامل انها تقراها .. وانا اشوفه موسوعه بحد ذاته
حتى اللي مايحبون القرايه .. بيعجبهم لانه اسلوبه بسيط
واللي عجبني هو اسلوب الكتاب .. في طرح اسئلة من المرضى و المجاوبة عليها
يعني اي سؤال يخطر في بال الحامل .. راح تحصل جوابه فيه
وبعد الحلو ان فيه قسم مخصص لتساؤلات الأزواج (الآباء يعني) ^^
مالح غورميه !
من اليوم ورايح لا تقعدون ادورون ارقام حريم يسوون مالح ولا سحناه…
لانه مالح غورميه وفرلكم اياهم .. روحو المحل وخذو اللي تبونه ((:
Malleh Gourment website
المصدر AM.AS.CHANNEL Blog
